មិត្តភ័ក្រ្តរបស់កុមារអង្គរភាគច្រើនសុទ្ធសឹងជាអ្នកញៀន(ចូលចិត្ត)នឹងតុកាហ្វេ។ ជារៀងរាល់ចុងសប្តាហ៍ មិត្តភ័ក្រ្តទាំងអស់ជួបគ្នាតែនៅម្តុំតុកាហ្វេ ខ្លះនិយាយពីការងារ ខ្លះនិយាយពីរឿងស្រីញី ខ្លះនិយាយពីរឿងខ្លួនជំពាក់លុយគេ ឯខ្លះទៀតអង្គុយលេងអុក។ អូហ៍ ពិតជាសប្បាយណាស់ មានគ្រប់រសជាតិតែម្តង នេះបានគេហៅថារសជាតិជីវិត។ ម្នាក់ៗបើទោះជាជាប់រវល់ការងារផ្ទះក៏ដោយ ក៏ពួកគេឆ្លៀតពេលមកជួបគ្នាដែរ យីពិតជាមិនគិតពីអ្វីមែន តែមិនចេះតែថាទេ ព្រោះវាជាថ្ងៃឈប់សម្រាក ដូច្នេះត្រូវរកកន្លែងណាត់អង្គុយជជែកគ្នាលេងទើបវាបានធូរស្បើយ។ ដូចជាបុរសមុខចាស់ម្នាក់នេះអញ្ចឹង(រូបថតខាងលើ) និងអារ៉ៃណូ ពួកគេកំពុងតែជជែកគ្នាមុនពេលពួកគេចេញដំណើរទៅញុំាការ (អូយ ញុំាអី... ស៊ីៗទៅស្រួលស្តាប់ជាង) មិត្តភ័ក្រ្តនៅវាលរេញ ខេត្តព្រះសីហនុ។ ឃើញទេ? បើទោះបីជាគេមុននឹងសម្រេច ឬក៏ណាត់គ្នាទៅណាមកណាក៏គេទៅជុំគ្នានៅតុកាហ្វេដែរ ដឹងនូវ?
