មុខរបរប៉ះកង់ម៉ូតូ

តាមខ្ញុំសង្កេតមើលទៅរៀងរាល់ថ្ងៃ អេ្ហហ...កុំនិយាយរាល់ថ្ងៃ គឺគ្រាន់តែនិយាយថា សង្កេតមើលទៅបានហើយ មុខរបរប៉ះកង់ម៉ូតូកំពង់តែកាក់កបខ្លាំងណាស់ តាមខ្ញុំសាកសួរជាងម្នាក់នៅកែងផ្លូវសុកហុក គាត់បានប្រាប់ខ្ញុំថា ក្នុងមួយថ្ងៃ គឺចាប់ពីម៉ោង៧ព្រឹករហូតដល់ម៉ោង៥ល្ងាច គាត់រកប្រាក់បានប្រហែលជាដប់ប្រាំទៅម្ភៃម៉ឺនរៀលឯណោះ។ អូយឡូយម៉េស... លោកអើយ។

លើសពីនោះទៅទៀត គាត់មានតែគ្នាបីនាក់ប៉ុណ្ណោះ គឺខ្លួនគាត់ផ្ទាល់ កូនប្រុសបង្កើត ព្រមទាំងក្មួយរបស់គាត់ម្នាក់ទៀត។ ពិតមែនហើយ ការងារណាក៏មានតម្លៃដែរ ក៏ព្រោះតែយើងចេះឲ្យតម្លៃវាតែប៉ុណ្ណោះ មិនដូចជាអ្នកខ្លះខ្លាចខ្មាស់គេ ស្រីមិនស្រឡាញ់ ព្រោះខ្លួនឯងហ្នឹងវាសង្ហាសាច់សខ្ចី មិនសមធ្វើការងារបែបនេះទេ។ ចំពោះគំនិតឡប់ៗទាំងនេះ ខ្ញុំមិនខ្វល់ទេ ហើយក៏មិនគាំទ្រដែរ តែចូរគិតថា មានលុយ មានការងារធ្វើ ឬក៏មុខរបរស្របច្បាប់ ទើបស្រីស្រឡាញ់ សូមកុំច្រលំណា៎... ចូរគិតម្តងទៀតណាអ្នកទាំងអស់អើយ។