របរលក់ចេកចៀន

បើនិយាយពីមុខរបរនេះវិញឥលូវ អ៊ួយ... មិនបាច់និយាយទេ ពិតជាត្រូវប៉ាន់មែនទែនតែម៉ង់។ ខ្ញុំក៏ចូលចិត្ត ហើយអ្នកទាំងអស់ គ្នានោះវិញក៏ចូលចិត្ត គឺអាផ្សេង... មិនបាច់និយាយទេ។ កុមារអង្គរគិតថា របរនេះហត់បន្តិចមែន តែក៏ចំណេញច្រើនដែរ តែត្រូវបញ្ចេញញើសបន្តិច ។ យី ម៉េចកុមារអង្គរថាដូច្នោះ? ការងារណាក៏បញ្ចេញកំលាំងដូចតែគ្នាហ្នឹង សុំកុំច្រលំនោះ។ ទេ... តែមានការងារខ្លះមិនសូវបញ្ចេញកំលាំងទេ គឺគ្រាន់តែអង្គុយ លុយហូរចូលឈឹបៗៗៗៗៗតែម្តង។

មួយផ្សេងទៀត ចេកចៀនឥលូវថ្លៃណាស់ គឺមួយតម្លៃ ៧០០រៀល ហើយកន្លែងខ្លះ ១០០០រៀលឯណោះ ។ ឯងមិនដឹងទេអី? ព្រោះអី សេដ្ឋកិច្ចឥលូវវាផ្លាស់ប្តូរច្រើនណាស់ ។ តម្លៃស្ក ចេក អុស ខ្លាញ់ និងអ្វីៗផ្សេងទៀតក៏ឡើងថ្លៃដែរ តើអោយលក់តំលៃ ៣០០រៀល ទៅ ៥០០រៀលម៉េចនឹងកើត។